ព័ត៌មានសន្តិសុខសង្គម

ក្រុមអ្នកលេងល្បែងមួយក្រុមនៅចំណុចចំការស្វាយក្នុងភូមិមិត្តភាពសង្កាត់ប៉ោយប៉ែតគម្រាមបោកទូរសព្ទអ្នកសារព័ត៌មានពេលដែលចុះទៅយកព័ត៌មាន !!!!!!!!!!

  ចេញផ្សាយថ្ងៃទី ០២ ខែមេសា ឆ្នាំ២០២៤ បន្ទាយមានជ័យ÷ ពិតជាខ្លាំងមែនក្រុមញៀនល្បែងកំពុងតែលេងល្បែងពេលដែលអ្នកសារព័ត៌មានពេលចុះទៅផ្ដិតយករូបភាពតាមសំណូមពររបស់ប្រជាពលរដ្ឋស្រាប់តែក្រុមនោះគម្រាមបោកទូរសព្ទនិងប្រើហិង្សាលើអ្នកសារព័ត៌មាន។   គួរំលឹកផងដែរនាពេលកន្លងមកប្រមុខថ្នាក់ដឹកនាំបានប្រកាសមិនឱ្យមានល្បែងស៊ីសងគ្រប់ប្រភេទនៅក្នុងភូមិឃុំ។ បែរជានៅចំណុចចំការចេកក្នុងភូមិមិត្តភាពសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យបែរជាក្រុមញៀនល្បែងមួយក្រុមបាននាំគ្នាពពាក់ពពួនលេងល្បែងស៊ីសងមាន់ជល់និងអាប៉ោងផ្គើនហ្នឹងអនុសាសន៍របស់ប្រមុខថ្នាក់ដឹកនាំ។   ហើយប្រជាពលរដ្ឋនាំគ្នារង់ចាំមើលថាតើចំណាត់ការរបស់លោកមេប៉ុស្តិ៍រដ្ឋបាលសង្កាត់ប៉ោយប៉ែតមានចំណាត់ការយ៉ាងណាចំពោះក្រុមលេងល្បែងមាន់ជល់និងអាប៉ោងទាំងនោះ។   ហើយប្រជាពលរដ្ឋពួកគាត់សុំសំណូមពរដល់លោកសៅរ៍សារឿនអធិការដ្ឋាននគរបាលក្រុងប៉ោយប៉ែតជាពិសេសលោកឧត្តមសេនីយ៍ទោសិទ្ធិឡោះស្នងការដ្ឋាននគរបាលខេត្តបន្ទាយមានជ័យឲ្យជួយមានវិធានការជូនពួកគាត់។   ហើយពួកគាត់បន្តទៀតថាបើកាលណាក្នុងភូមិរបស់ពួកគាត់មានល្បែងស៊ីសងតើ ៧ ចំណុចភូមិឃុំមានសុវត្ថិភាពតើអាចមានសុវត្ថិភាពដែរឬទេ៕ (សូមទស្សនាវីដេអូ)

ព័ត៌មានសន្តិសុខសង្គម

ចាប់ខ្លួនជនជាតិវៀតណាម ៤នាក់ រឹបអូសថ្នាំញៀនជាង ៣គីឡូក្រាម និងសារធាតុគីមីផ្សំជិត ១០គីឡូក្រាម

  ភ្នំពេញ៖ កម្លាំងជំនាញនៃមន្ទីរប្រឆាំងគ្រឿងញៀន សហការជាមួយកម្លាំងនៃស្នងការដ្ឋាននគរបាលរាជធានីភ្នំពេញ បានចាប់ខ្លួនជនជាតិវៀតណាម ៤នាក់ រឹបអូសថ្នាំញៀនជាង ៣គីឡូក្រាម និងសារធាតុគីមីផ្សំជិត ១០គីឡូក្រាម។ ប្រតិបត្តិការនេះដឹកនាំសម្របសម្រួលដោយ លោក គឹម ហុងសាន ព្រះរាជអាជ្ញារងអមសាលាដំបូងរាជធានីភ្នំពេញ បានបង្ក្រាបនៅចំណុច តាមបណ្តោយផ្លូវ៤៣២ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ នៅយប់ថ្ងៃទី២៩ ខែមីនា ឆ្នាំ២០២៤។   ជនសង្ស័យទាំង៤នាក់ ឈ្មោះ ង្វៀង កាវយូយ ភេទប្រុស ជនជាតិវៀតណាម, ឈ្មោះ ង្វៀង ម៉ាយសុងហៀន ភេទប្រុស ជនជាតិវៀតណាម, ឈ្មោះ ង្វៀង ហ៊យយី ភេទប្រុស ជនជាតិវៀតណាម និងឈ្មោះ ង្វៀង យីតាំ ភេទប្រុស ជនជាតិវៀតណាម ឆ្នាំកំណើត១៩៩៥។   កម្លាំងជំនាញចាប់យកគ្រឿងញៀនប្រភេទ កេតាមីន (Ketamine) ទម្ងន់ ១១៤៤ក្រាម និងគ្រឿងញៀន នីមេតាហ្សេប៉ាម (Nemetazepham) […]

ព័ត៌មានសន្តិសុខសង្គម

កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ !!!!!!

  បន្ទាយមានជ័យ: អនុវត្តតាមការណែនាំនិងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី២៧ ខែមីនា ឆ្នាំ ២០២៤នេះ កម្លាំងអធិការដ្ឋាននគរបាលក្រុងប៉ោយប៉ែត ជាច្រើនរូប បានចេញយាមល្បាតតាមទីប្រជុំជន គោលដៅភូមិសាស្ត្រស្មុគ្រស្មាញដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ។   លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានចាត់តាំងលោកវរសេនីយ៍ទោ វិជ្ជា វឌ្ឍនា អធិការរងទទួលជំនួយការដឹកនាំផែនព្រហ្មទណ្ឌ ដឹកនាំកម្លាំងវេនប្រចាំបញ្ជា និង កម្លាំងប៉ុស្តិ៍នគរបាលរដ្ឋបាលអូរជ្រៅ ចេញល្បាតនិងឃ្លាំមើលក្នុងភូមិសាស្ត្រសង្កាត់អូរជ្រៅ ដើម្បីបង្ការទប់ស្កាត់ រាល់បទល្មើស នៅក្នុងមូលដ្ឋានសង្កាត់អូរជ្រៅក្នុងភូមិសាស្រ្ត. ដែលស្មុគស្មាញ ជាពិសេសក្រុមក្មេងទំនើងតែងតែប្រមូលផ្ដុំ បង្ករភាពអាណាធិបតេយ្យនៅក្នុងមូលដ្ឋាន ដើម្បីធានាសុខសុវត្ថិភាព រក្សារសន្តិសុខសណ្តាប់ សាធារណះ ជូនប្រជាពលរដ្ឋ ក្នុងក្រុងប៉ោយប៉ែត។   ក្រៅពីនេះ លោកឧត្តមសេនីយ៍ទោ សិទ្ធិ ឡោះ ក៏បានត្រៀមកម្លាំងប្រចាំការ២៤ម៉ោងលើ២៤ម៉ោង សម្រាប់អន្តរាគមន៍ បង្ការ បង្ក្រាបគ្រប់បទល្មើស ពិសេសបទល្មើសព្រហ្មទណ្ឌ ក្មេងទំនើង និង ជួយសង្គ្រោះពលរដ្ឋ ក្នុងករណីមានគ្រោះអគ្គីភ័យ ឬគ្រោះធម្មជាតិនានាផងដែរ៕

ព័ត៌មានសន្តិសុខសង្គម

ម្ចាស់ផ្ទះចម្អិនអាហាររួចចេញទៅវត្តមិនបានពន្លត់ភ្លើងចង្ក្រានឆាបឆេះផ្ទះទាំងស្រុង នៅស្រុកកោះសូទិន ខេត្តកំពង់ចាម

កំពង់ចាម៖ អគ្គិភ័យបានឆាបឆេះផ្ទះមួយខ្នងទាំងស្រុង ខណៈម្ចាស់ផ្ទះចម្អិនអាហាររួចចេញទៅវត្តមិនបានពន្លត់ភ្លើងចង្ក្រាន។   យោងតាមរបាយការណ៍របស់រដ្ឋបាលស្រុកកោះសូទិនបានបញ្ជាក់ថាករណីអគ្គិភ័យខាងលើនេះបានកើត ឡើងនាថ្ងៃទី១០ ខែមីនា ឆ្នាំ២០២៤ វេលាម៉ោង ១១:៥០នាទី ដែលមានម្ចាស់ផ្ទះ ឈ្មោះ ប៉ោ ង៉ុយ ភេទប្រុស អាយុ ៧២ឆ្នាំ ស្ថិតនៅចំណុចភូមិខ្ពប ឃុំមហា ខ្ញូង ស្រុកកោះសូទិន ខេត្ត កំពង់ចាម។   ផ្ទះដែលឆេះទាំងស្រុងនោះមាន ទំហំ៦ x ៨ម៉ែត្រ (ដំបូលប្រក់ស័ង្កសី ជញ្ញាំងក្ដារ) និងបានឆេះអង្ករចំនួន ០៣បេ ឆេះស្រូវចំនួន ០៦បេ និងប្រាក់រៀលចំនួន ២,៥០០,០០០រៀល ប្រាក់ដុល្លារចំនួន ៥០០ដុល្លារ និងសម្ភារប្រើប្រាស់មួយចំនួន ។   ចំពោះអគ្គិភ័យនេះដែរ ត្រូវ បានរលត់ទាំងស្រុង នៅម៉ោង ១២:៤៥នាទី ដោយប្រើប្រាស់ទឹកអស់ ០២ស៊ឺទែន ដោយពុំ មានប៉ះពាល់ដល់អាយុជីវិតមនុស្ស សត្វឡើយ។   សមត្ថិកិច្ចបានបញ្ជាក់ថាមូលហេតុថាដោយសារម្ចាស់ផ្ទះចម្អិនអាហាររួចចេញទៅវត្តមិនបានពន្លត់ភ្លើងចង្ក្រានបណ្តាលឱ្យឆាបឆេះ។ ខណៈគ្រួសាររងគ្រោះត្រូវបានឧបត្ថម្ភនូវថវិកាមួយចំនួន៕

ព័ត៌មានសន្តិសុខសង្គម

កម្មកររោងចក្រ ហុង វ័ន ជិត១ពាន់នាក់ ធ្វើកូដកម្ម ក្រោយថៅកែកាត់លុយជំនាញ ៤ដុល្លារ ធ្លាប់ទទួលបាន ១៥ឆ្នាំមកហើយ

រាជធានីភ្នំពេញ ៖ កម្មករ កម្មការិនី រោងចក្រកាត់ដេរសម្លៀកបំពាក់ ហុង វ័ន ខេមបូឌា ហ្កាមេន ជិត១ពាន់នាក់ បានខកខាន មិនបានធ្វើការងាររយៈពេលច្រើនថ្ងៃមកហើយ ដោយពួកគាត់បានប្រមូលផ្ដុំគ្នា ធ្វើកូដកម្ម ក្រោយពេលថៅកែកាត់ប្រាក់ជំនាញក្នុងម្នាក់ៗ ចំនួន ៤ដុល្លារ។ ដែលប្រាក់ជំនាញនេះ ពួកគាត់ទទួលបានរយៈពេល១៥ឆ្នាំកន្លងមកហើយ ស្រាប់តែនៅ១ខែចុងក្រោយនេះ ថៅកែ បានកាត់ផ្ដាច់ចោលអស់ ហើយបើកតែប្រាក់ខែតាមចំនួនកំណត់របស់ក្រសួងការងារ ឲ្យដល់ពួកគាត់ប៉ុណ្ណោះ ទើបពួកគាត់មិនព្រម រួចនាំគ្នាធ្វើកូកម្ម ដើម្បីទាមទារឲ្យថៅកែរោងចក្រផ្ដល់ប្រាក់ជំនាញនោះមកវិញ និងរក្សាឲ្យនៅដដែលជារៀងរហូត ។ កូដកម្មនេះ បានចាប់ផ្ដើមផ្ទុះកាលពីថ្ងៃទី២៤ ខែកុម្ភៈ ឆ្នាំ២០២៤ ហើយរហូតមកដល់វេលាព្រឹកថ្ងៃទី២៩ ខែកុម្ភៈ កម្មករ កម្មការិនីទាំងនោះ ពុំទាន់ចូលធ្វើការនៅឡើយ។ កម្មករបានបន្ត ប្រមូលផ្ដុំគ្នានៅមុខរោងចក្រ និងបានទាមទារ នូវលក្ខខណ្ឌការងារថ្មីៗមួយចំនួនថែមទៀតផង។ រោងចក្រខាងលើ មានទីតាំងស្ថិតនៅតាមបណ្ដោយមហាវិថីចោមចៅ ហៅផ្លូវវ៉េងស្រេង ក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។ កម្មករខាងលើ បាននិយាយថា នៅក្នុងរោងចក្រកាត់ដេរសម្លៀកបំពាក់ ហុង វ័ន […]

ព័ត៌មានសន្តិសុខសង្គម

សម្ភារៈប្រើប្រាស់និងឈឺក្តាឈើកែច្នៃមួយចំនួនត្រូវបានអាគីភ័យឆាបឆេះធ្វើឱ្យខូចខាតអស់ជាច្រើន កាលពីយប់មិញនៅឃ្លាំងស្តុបឈើបឹងត្របែក…!!!!!

ភ្នំពេញ៖ មានករណីអគ្គិភ័យឆាបឆេះសិប្បកម្មកែច្នៃឈើ១កន្លែង កាលពីវេលាម៉ោង៩យប់ ថ្ងៃទី២៣ ខែកុម្ភៈ ឆ្នាំ២០២៤ ស្ថិតនៅក្បែរការដ្ឋានគល់ស្ពានអាកាសព្រះមុន្នីវង្ស ក្នុងមូលដ្ឋានផ្សារដើមថ្កូវ ខណ្ឌចំការមន រាជធានីភ្នំពេញ។ ទីតាំងនេះជារោងដែកប្រក់សង្ក័សី ឃ្លាំងស្តុកឈើ ទំហំ ១៥ម៉ែត្រ ×៨ម៉ែត្រ។   អគ្គិភ័យនេះ បណ្តាលឱ្យខូចខាតសម្ភារប្រើប្រាស់ក្តារបន្ទះនឹងឈើដុំមួយចំនួនធំ តែមិនមិនបណ្តាលឱ្យប៉ះពាល់ដលមនុស្សណាម្នាក់ទេ ដោយសមត្ថកិច្ចជួយអនតរាគមន៍ប្រើប្រាស់រថយន្តពន្លត់អគ្គិភ័យអស់ចំនួន ៣២គ្រឿង រស្មីនឹង ១៤៦ម៉ែត្រគូប។ ចំពោះមូលហេតុ ពុំទាន់ដឹងច្បាស់លាស់នៅឡើយទេ ដោយសមត្ថកិច្ចជំនាញកំពុងធ្វើការស្រាវជ្រាវ៕  

ព័ត៌មានសន្តិសុខសង្គម

ពាក្យចាស់លោកថាត្រីឆ្តោមិនស៊ីកូនឯងតែនេះជាឪពុកបង្កើតមានចិត្តតិរច្ឆានចាប់រំលោភកូនស្រីខ្លួនឯង…..!!!!!

  ខេត្តពោធិ៍សាត់ ÷ ថ្ងៃទី ២១ ខែកុម្ភៈ ឆ្នាំ២០២៤ វេលាម៉ោង ០៨:២៥នាទី សមត្ថកិច្ចយើងបានទទួលបណ្តឹង ថាកាលពីថ្ងៃទី០៦ ខែមករា ឆ្នាំ២០២៤ ឈ្មោះ ជ រ ភេទប្រុស អាយុ៣៩ឆ្នាំ ទីលំនៅអចិន្រ្ដៃយ៍ភូមិដប់បាទ សង្កាត់លលកស ក្រុងពោធិ៍សាត់ ខេត្តពោធិ៍សាត់ មកស្នាក់នៅភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ បានធ្វើការរំលោភសេពសន្ថវៈ មកលើកូនស្រីបង្កើតរបស់ខ្លួន អាយុ ១៥ឆ្នាំ រស់នៅភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ បានសម្រេចចំនួន ២ដង ប្រព្រឹត្តនៅលើផ្ទះជនរងគ្រោះ ស្ថិតក្នុងភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ។ -លើកទី១ នៅលើផ្ទះរបស់ជនរងគ្រោះ -លើកទី២ នៅលើផ្ទះរបស់ជនរងគ្រោះ ក្រោយពីទទួលបណ្ដឹងរួចសមត្ថកិច្ចភ្លាម កម្លាំងសមត្ថកិច្ចយើងបានធ្វើការស្រាវជ្រាវស៊ើបអង្កេតតាមនីតិវិធី ឈានដល់ការឃាត់ខ្លួនជនសង្ស័យ។   – បញ្ជាក់ : ជនសង្ស័យមានសារធាតុញៀនក្នុងខ្លួន ។ […]

ព័ត៌មានសន្តិសុខសង្គម

ក្រុមតារាល្បីឈ្មោះ PafiDo បើករថយន្ត Lamborghini បុកបុរសម្នាក់ស្លាប់ភ្លាមៗ នៅផ្លូវសហព័ន្ធរុស្ស៊ី  

  ភ្នំពេញ៖ បុរសវ័យ ២៨ឆ្នាំម្នាក់ បានស្លាប់ភ្លាម ដោយសាត្រូវរថយន្តស៊េរីទំនើប Lamborghini ពណ៌ទឹកក្រូច ស្លាកលេខកម្ពុជា F.R.999 បើកទៅបុកទាំងកំរោល នៅមហាវិថីសហព័ន្ធរុស្សី រួចព្យាយាមបើករត់គេចជាច្រើនគីឡូម៉ែត្រ តែគេចមិនផុត។ ករណីនេះបានកើតឡើងកាលពីវេលាម៉ោងជាង ១រំលងអធ្រាត្រ ឈានចូលថ្ងៃទី២៣ ខែកុម្ភៈ ឆ្នាំ២០២៤ ស្ថិតក្នុងសង្កាត់កាកាបទី១ ខណ្ឌពោធិសែនជ័យ រាជធានីភ្នំពេញ។ យោងតាមប្រភពព័ត៌មានពីប្រជាពលរដ្ឋដែលស្ថិតនៅក្បែរកន្លែងកើតហេតុ បានឲ្យដឹងថា បានឃើញរថយន្តស៊េរីទំនើប Lamborghini ពណ៌ទឹកក្រូច ស្លាកលេខកម្ពុជា F.R.999 បើកបរក្នុងល្បឿនលឿន និងរោទ៍សម្លេងយ៉ាងខ្លាំង នៅលើកំណាត់មហាវិថីសហព័ន្ធរុស្សី រួចបត់ទៅផ្លូវ២០០៤ ដោយផ្នែកខាងមុខនៃរថយន្ត មានធ្លាក់របាំងមុខ (កាងរថយន្ត) ផងដែរ។ ដោយឃើញជ្រុះកាងបែបនេះ សង្ស័យតែរថយន្តនោះបើកទៅបុកនឹងអ្វីហើយ ក៏នាំគ្នាជិះទៅមើលតាមផ្លូវ ក៏ប្រទះឃើញគ្រោះថ្នាក់ចរាចរណ៍ មានមនុស្សដេកស្លាប់ ក៏សួរនាំអ្នកនៅកន្លែងកើតហេតុ ទើបដឹងថា រថយន្តខាងលើពិតជាបានបុកគេស្លាប់មែន។ ជនរងគ្រោះដែលស្លាប់មានឈ្មោះ សោន សឹត ភេទប្រុស អាយុ២៨ឆ្នាំ រស់នៅខេត្តសៀមរាប ជិះម៉ូតូម៉ាក ហុងដាឌ្រីមស៊េ១២៥ ពណ៌ខ្មៅ ស្លាកលេខ […]

ព័ត៌មានសន្តិសុខសង្គម

ឃ្លាំងស្តុកអេតចាយមួយកន្លែង នៅក្នុងឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ត្រូវបានអគ្គីភ័យឆាប់ឆេះ ១៧-កុម្ភៈ-២០២៤

  ខេត្តព្រះសីហនុ៖ លោក ភី ធារិន អភិបាលស្រុកព្រៃនប់ បានឲ្យដឹងថា មានករណីអគ្គិភ័យភ្លើងឆេះឃ្លាំងស្តុកអីវ៉ាន់អេតចាយ(ស្តុកជ័រដបទឹកសុទ្ធ)មួយកន្លែងស្ថិតនៅចំនុច ភូមិ អូរឧកញ៉ាហេង ឃុំ អូរឧកញ៉ាហេង ស្រុកព្រៃនប់ ខេត្តព្រះសីហនុ កាលពីថ្ងៃទី១៦ ខែ កុម្ភៈ ឆ្នាំ២០២៤ វេលាម៉ោង ៧.០០នាទីយប់។ ម្ចាស់ឃ្លាំងរងគ្រោះឈ្មោះ ឡេ ម៉ីង កាញ់ ភេទប្រុស អាយុ៦២ឆ្នាំជនជាតិវៀតណាម មុខរបរ រកស៊ីអេតចាយ។ អគ្គីភ័យបានឆេះប្រភេទសំណង់ ឃ្លាំង សង់អំពីដែកបន្ទប់ទំហំទទឹង២០ម៉ែត្រ×បណ្ដោយ២០ម៉ែត្រ។បណ្ដាលឱ្យការខូចខាត សម្ភារៈដូចជា គំនរជ័រដបទឹកសុទ្ធគ្រីបរួច ប្រហែល៥០%។ មូលហេតុករណីអគ្គីភ័យឆាតៗនេះសមត្ថកិច្ចកំពុងស្រាវជ្រាវ។ ករណីអគ្គិភ័យខាងលើ សមត្ថកិច្ច បានប្រើរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តព្រះសីហនុចំនួន ០៣គ្រឿង បានប្រើប្រាស់ទឹកអស់ចំនួន២១ឡាន រថយន្តពន្លត់អគ្គិភ័យរបស់កងរាជអាវុធហត្ថ ខេត្តព្រះសីហនុចំនួន ០២គ្រឿង បានប្រើប្រាស់ទឹកអស់ចំនួន ០៣ឡាន រថយន្តពន្លត់អគ្គិភ័យរបស់ព្រលានយន្តហោះ កងកេងចំនួន ០១គ្រឿង បានប្រើប្រាស់ទឹកអស់ចំនួន ០៥ឡាន រថយន្តពន្លត់អគ្គិភ័យរបស់ក្រុមហ៊ុន GTVC ចំនួន០២គ្រឿង បានប្រើប្រាស់ទឹកអស់ចំនួន ០៩ឡាន […]

ព័ត៌មានសន្តិសុខសង្គម

អាជ្ញាធរខេត្តបាត់ដំបង បញ្ជាឱ្យរដ្ឋបាលក្រុង ស្រុក និងសមត្ថកិច្ចពាក់ព័ន្ធ ចុះបង្រ្កាបល្បែងស៊ីសងខុសច្បាប់ក្នុងភូមិសាស្ត្ររបស់ខ្លួន ដោយគ្មានការលើកលែង

បាត់ដំបង ៖ អភិបាលខេត្តបាត់ដំបង លោក សុខ លូ បានដាក់បញ្ជាដោយផ្ទាល់ដល់រដ្ឋបាលក្រុង ស្រុក ទាំង១៤ នៃខេត្តបាត់ដំបង និងសមត្ថកិច្ចពាក់ព័ន្ធផ្សេងទៀត ត្រូវរួមសហការគ្នាឱ្យបានល្អប្រសើរ ចុះធ្វើការបង្រ្កាបល្បែងស៊ីសងខុសច្បាប់គ្រប់ប្រភេទនៅក្នុងភូមិសាស្ត្រសមត្ថកិច្ចរបស់ខ្លួន ដោយគ្មានការលើកលែង ឡើយ ហើយបើមានបញ្ហាប្រឈមកើតឡើងក្នុងពេលបង្រ្កាប ត្រូវធ្វើការរាយការណ៍ជាប្រញ៉ាប់មករដ្ឋបាលខេត្តបាត់ដំបង ដើម្បីមានវិធានការតាមផ្លូវច្បាប់ ហើយការងារនេះត្រូវតែធ្វើជារៀងរហូត ដូចភ្លៀងរលឹម មិនមែនធ្វើតែមួយរយៈពេលខ្លីរួចបាត់នោះទេ ។ ការដាក់បញ្ជាដោយផ្ទាល់ក្នុងការចុះបង្រ្កាបល្បែងស៊ីសងខុសច្បាប់នេះ ត្រូវបានធ្វើឡើងក្នុងកិច្ចប្រជុំស្តីពីការរៀបចំសន្តិសុខ សណ្ដាប់ធ្នាប់ សាធារណៈ ក្នុងភូមិសាស្រ្ដខេត្តបាត់ដំបង ដោយមានការចូលរួមពីគណៈអភិបាលក្រុង ស្រុក ជុំវិញខេត្ត ព្រមទាំងកងកម្លាំងប្រដាប់អាវុធទាំង ៣ ប្រភេទ នាថ្ងៃទី១៦ ខែកុម្ភៈ ឆ្នាំ២០២៤ នៅសាលាខេត្តបាត់ដំបង។ លោក សុខ លូ បានលើកឡើងអំពីការបើកអាជីវកម្មល្បែងតាមប្រព័ន្ធអនឡាញ នៅតាមបណ្ដាក្រុង ស្រុក ដែលគ្មានអាជ្ញាប័ណ្ណអនុញ្ញាតត្រឹមត្រូវ ដោយក្នុងនោះលោក បានដាក់បញ្ជាឱ្យរដ្ឋបាលក្រុង ស្រុក និងសមត្ថកិច្ចគ្រប់ជាន់ថ្នាក់ និងគ្រប់ផ្នែកទាំងអស់ ត្រូវធ្វើការបង្រ្កាបជាបន្ទាន់ រាល់អាជីវកម្ម ដែលបង្កប់នូវល្បែងស៊ីសងខុសច្បាប់ ដោយមិនមានអាជ្ញាប័ណ្ណ ឬច្បាប់អនុញ្ញាត ឱ្យបានទាន់ពេលវេលា […]