ព័ត៌មានអន្តរជាតិ

អាជ្ញាធរថៃរឹបអូសគ្រឿងញៀនតម្លៃជាង៨លានដុល្លារនៅក្នុងប្រតិបត្តិការបង្ក្រាបដ៏ធំមួយ

ថៃឡង់ដ៍៖ យោងតាមប្រភពពីមន្ត្រីនគរបាលថៃបានឱ្យដឹងថា ថ្នាំញៀនប្រភេទមេតាហ្វេតាមីនជាង១៥លានគ្រាប់ រួមនិងសារធាតុញៀនខុសច្បាប់ដទៃទៀត សរុបជាទឹកប្រាក់ប្រមាណជា ៣០០លានបាត ឬប្រហែល ៨.១៥លានដុល្លារ ត្រូវបានរឹបអូស កាលពីថ្ងៃព្រហស្បតិ៍ អំឡុងប្រតិបត្តិការឆ្មក់ចូលគេហដ្ឋានមួយកន្លែង ស្ថិតនៅក្នុងខេត្ត Nakhon Pathom ភាគខាងជើងទីក្រុងបាងកក ។ នៅក្នុងប្រតិបត្តិការនេះ អាជ្ញាធរបានចាប់ឃាត់ខ្លួនមនុស្ស៤នាក់ ដោយរួមបញ្ចូលទាំងប្រភេទថ្នាំញៀនម៉ាទឹកកក ៤២០គីឡូក្រាម និងសារធាតុហេរ៉ូអ៊ីនមួយចំនួនផ្សេងទៀត។ រដ្ឋមន្រ្តីក្រសួងយុត្តិធម៌ថៃ លោក Tawee Sodsong ចាត់ទុកថាការរឹបអូសបានគ្រឿងញៀនដ៏ច្រើននេះ គឺជា “ជោគជ័យដ៏ធំមួយទៀត” របស់មន្ត្រីអាជ្ញាធរ ខណៈស្នងការនគរបាលថៃដែលទើបឡើងកាន់តំណែង លោក Torsak Sukvimol បានអះអាងថា គ្រឿងញៀនទាំងនេះ បានផលិតនិងនាំចូលមកពីខាងក្រៅ។ គួរជម្រាបជូនថា បើយោងតាមរបាយការណ៍ស្រាវជ្រាវរបស់អង្គការសហប្រជាជាតិបានឱ្យដឹងថា ការចរាចរណ៍ ចែកចាយ និងជួញដូរគ្រឿងញៀន កំពុងតែមានការកើនឡើងខ្លាំងនៅក្នុងតំបន់ត្រីកោណមាសអាស៊ី ស្ថិតនៅចន្លោះប្រទេសមីយ៉ាន់ម៉ា ថៃឡង់ដ៍ និងឡាវ ខណៈក្រុមឧក្រិដ្ឋជនគ្រឿងញៀន បានធើ្វការពង្រីកច្រកដឹកជញ្ជូនឆ្លងដែននៅក្នុងតំបន់អាស៊ីទាំងមូលកាន់តែច្រើនឡើងផងដែរ ៕

ព័ត៌មានជាតិ

ឯកឧត្តម សូ មុនីរក្សា ចូលរួមផ្តល់បាឋកថាអំពីយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋភា

ភ្នំពេញ៖ ថ្ងៃសុក្រ ១៥កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែកញ្ញា ឆ្នាំ២០២៣ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន ក្រសួងមហាផ្ទៃ ចូលរួមផ្តល់បាឋកថាអំពីយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋភា សម្រាប់ពង្រឹងសមត្ថភាពបន្ថែមដល់គណៈគ្រប់គ្រង និងបុគ្គលិកអង្គការអាក់សិនអេតកម្ពុជា នៅសណ្ឋាគារភ្នំពេញ៥១(បាស្ទ័រ៥១) រាជធានីភ្នំពេញ។ សូមជម្រាបថា កម្មវិធីរៀនសូត្រផ្ទៃក្នុងនេះ រៀបចំឡើងដោយអង្គការអាក់សិនអេតកម្ពុជា ប្រព្រឹត្តទៅមានរយៈពេល១ថ្ងៃ ក្នុងគោលបំណងធ្វើបច្ចុប្បន្នភាព និងបង្កើនចំណេះដឹងបុគ្គលិក ក៏ដូចជាគណៈគ្រប់គ្រង ទាក់ទងនឹងគោលនយោបាយថ្មីៗ រួមទាំងយុទ្ធសាស្ត្រថ្មីៗរបស់រាជរដ្ឋាភិបាលកម្ពុជា ដើម្បីអង្គការធ្វើបច្ចុប្បន្នភាពបរិបទនិងឆ្លុះបញ្ចាំងភាពពាក់ព័ន្ធរវាងយុទ្ធសាស្ត្ររបស់អង្គការជាមួយនឹងយុទ្ធសាស្ត្ររបស់រាជរដ្ឋាភិបាលកម្ពុជា៕

ព័ត៌មានសន្តិសុខសង្គម

កម្លាំងអាវុធហត្ថស្រុកភ្នំស្រួចសហការជាមួយកម្លាំងការិយាល័យប្រឆាំងគ្រឿងញៀនឃាត់ខ្លួនក្រុមជួញដូរ ប្រើប្រាស់គ្រឿងញៀនបានចំនួន០៤នាក់ និងដកហូតគ្រឿងញៀន សម្ភារវត្ថុតាងមួយចំនួន

(កំពង់ស្ពឺ)៖ថ្ងៃទី២៦ខែកញ្ញា ឆ្នាំ២០២៣ កម្លាំងបានចុះនៅចំណុចភូមិទី៣ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយបានការអនុញ្ញាតពី លោកឧត្តម សេនីយ៏ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ និងបានការសម្របសម្រួលពី លោកជំទាវ ចាតសូ រស្មី ព្រះរាជអាជ្ញា អមសាលាដំបូង ខេត្តកំពង់ស្ពឺ កម្លាំងការិយាល័យប្រឆាំងគ្រឿងញៀន និងកម្លាំងមូលដ្ឋានកងរាជអាវុធហត្ថស្រុកភ្នំស្រួច ដឹកនាំដោយលោកអនុសេនីយ៏ឯក ពេជ្រ ទីន នាយការិយាល័យ ប្រឆាំងគ្រឿងញៀន បានសហការជាមួយកម្លាំងមន្ទីរស្រាវជ្រាវ និងបង្រ្កាបបទល្មើស កងរាអាវុធហត្ថ ខេត្តព្រះសីហនុ បានឃាត់ខ្លួន ជនសង្ស័យចំនួន ០៤នាក់ ប្រុស០៣នាក់ ស្រី០១នាក់ ។ កម្លាំងឃាត់ខ្លួន និងបានដកហូតវត្ថុតាងសម្ភារក្នុងករណីចែកចាយគ្រឿងញៀនរួមមាន៖ ១-ឈ្មោះ ស សារ៉ាន់ ភេទប្រុស អាយុ៥២ឆ្នាំ មុខរបរមិនពិតប្រាកដ មានទីលំនៅភូមិ ឃុំ ខាងលើ (មានដីកាបង្គាប់ឲ្យចាប់ខ្លួន ករណីគ្រឿងញៀន នៅខេត្តព្រះសីហនុ) បច្ចុប្បន្ន ប្រគល់ឲ្យ កងរាជអាវុធហត្ថ ខេត្តព្រះសីហនុ អនុវត្តនីតិវិធី […]

ព័ត៌មានជាតិ

សម្តេចធិបតី ហ៊ុន ម៉ាណែត ផ្តល់អនុសាសន៍ ៥ចំណុច ដើម្បីឈានទៅសម្រេចបាន នូវចក្ខុវិស័យទេសចរណ៍

ភ្នំពេញ៖ ក្នុងឱកាសអបអរសាទរទិវាទេសចរណ៍ពិភពលោកឆ្នាំ២០២៣ ក្រោមប្រធានបទ “ទេសចរណ៍ និងការវិនិយោគបតង” នៅថ្ងៃទី២៧ ខែកញ្ញា ឆ្នាំ២០២៣នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានលើកឡើងថា «ក្នុងនាមជាប្រមុខរាជរដ្ឋាភិបាល នីតិកាលទី៧ នៃរដ្ឋសភា ទូលព្រះបង្គំ ខ្ញុំព្រះករុណា ខ្ញុំសូមប្តេជ្ញាបន្ត នូវ វីរភាពគំរូរបស់ សម្តេចអគ្គមហាសេនាបតីតេជោ ហ៊ុន សែន ក្នុងការបន្តស្តារ លើកស្ទួយ និងអភិវឌ្ឍ វិស័យទេសចរណ៍ឱ្យកាន់តែរីកចម្រើនថែមទៀត »។ ដើម្បីឈានទៅសម្រេចបាននូវចក្ខុវិស័យទេសចរណ៍ គ្រប់ជ្រុងជ្រោយមួយ ស្តីពីការលើកកម្ពស់កិត្យានុភាព និងភាពធន់របស់កម្ពុជា តាមរយៈការប្រែក្លាយកម្ពុជា ជាគោលដៅទេសចរណ៍សកលឈានមុខ ប្រកបដោយភាពសម្បូរបែប ពោរពេញដោយកាលានុវត្តភាព និង ភាពកក់ក្តៅ នោះ សម្តេចធិបតី ហ៊ុន ម៉ាណែត ផ្តល់អនុសាសន៍ ៥ចំណុច ក្នុងនោះទី១- ត្រូវបង្កើនការវិនិយោគ និងបន្តកសាងមូលធនមនុស្សបន្ថែមទៀត រាប់ទាំងការគិតគូរកម្មវិធីសិក្សា ប្រកបដោយភាពច្នៃប្រឌិត និងភាពរស់រវើក ធានាឱ្យបានអ្នកបម្រើការងារក្នុងវិស័យទេសចរណ៍ មានសមត្ថភាព និងក្រមសីលធម៌វិជ្ជាជីវៈដែលអាចសម្របខ្លួនបានទៅនឹងការប្រែប្រួលនាពេល […]

ព័ត៌មានជាតិ

ពិធីបើកកម្មវិធីបណ្តុះបណ្តាល “កម្មវិធីលេខាធិការរដ្ឋបាល

ភ្នំពេញ៖ ថ្ងៃចន្ទ ១១កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែកញ្ញា ឆ្នាំ២០២៣ សាលាជាតិរដ្ឋបាលមូលដ្ឋាន ក្រសួងមហាផ្ទៃ បានបើកកម្មវិធីបណ្ដុះបណ្ដាល “កម្មវិធីលេខាធិការរដ្ឋបាល” ក្រោមអធិបតីភាព លោក លឹម ពុទ្ធារី ប្រធាននាយកដ្ឋានបណ្ដុះបណ្ដាលនៃសាលាជាតិរដ្ឋបាលមូលដ្ឋាន តាមរយៈប្រព័ន្ធអនឡាញហ្សូម (Zoom)។ កម្មវិធីបណ្តុះបណ្តាលនេះ រៀបចំឡើងមានរយៈពេល៣សប្ដាហ៍ គឺចាប់ពីថ្ងៃទី២៥ ខែកញ្ញា ដល់ថ្ងៃទី១២ ខែតុលា ឆ្នាំ២០២៣ តាមរយៈប្រព័ន្ធអនឡាញហ្សូម(Zoom) និងដោយផ្ទាល់នៅទីស្តីការក្រសួងមហាផ្ទៃ ដោយមានសិក្ខាកាមសរុបចំនួន៤២រូប (ស្រី១៣រូប)៕

ព័ត៌មានសុខភាពនិងសម្រស់

ក្រសួងសុខាភិបាល ដកហូតសេចក្ដីសម្រេចស្តីពីការបន្តសុពលភាពគ្រឹះស្ថានអាហរ័ណ នីហរ័ណឱសថ គ្រួសារកក់ក្ត ឯ.ក

ភ្នំពេញ៖ ក្រសួងសុខាភិបាលនឹង ដកហូតសេចក្ដីសម្រេចស្តីពីការបន្តសុពលភាពគ្រឹះស្ថានអាហរ័ណ នីហរ័ណឱសថ គ្រួសារកក់កៅ្ត ឯ.ក (KROUSAR KORKDAO CO., LTD.) ដែលមានទីតាំង និងឃ្លាំងស្តុកឱសថទី១ ផ្ទះលេខ១៥១ ផ្លូវមុនីរ៉េត(២១៧) ភូមិ១៦ សង្កាត់បឹងសាឡាង ខណ្ឌទួលគោក រាជធានីភ្នំពេញ និងឃ្លាំងស្តុកឱសថទី២ ផ្ទះលេខ៨២ ផ្លូវបេតុង ភូមិព្រៃសាលា សង្កាត់ កាកាបទី២ ខណ្ឌពោធិ៍សែនជ័យ រាជធានីភ្នំពេញ និងឃ្លាំងស្តុកឱសថទី៣ ផ្ទះលេខ៥៧០ ផ្លូវបេតុង ភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ ដោយមូលហេតុគ្រឹះស្ថាននេះពុំបានគោរពតាមលិខិតបទដ្ឋានគតិយុត្តជាធរមានជាអាទិ៍៖ – បានលក់ តាំងលក់ និងចែកចាយនូវផលិតផលបំប៉នសុខភាពGINSENG PRO ដែលមានផ្ទុកសារជាតិសកម្មមិន ត្រឹមត្រូវតាមរូបមន្តដែលកំណត់លើផលិតផលដែលបានចុះបញ្ជិកានៅក្រសួងសុខាភិបាល ហើយអាចធ្វើឱ្យប៉ះពាល់ ដល់សុខភាពអ្នកប្រើប្រាស់ -បានផ្លាស់ប្តូរទីតាំងគ្រឹះស្ថានអាហរ័ណ នីហរ័ណ ដោយពុំមានការអនុញ្ញាតពីក្រសួងសុខាភិបាល បានលក់ផលិតផលបំប៉នសុខភាព GINSENG PRO ដល់អតិថិជនប្រើប្រាស់នៅក្រៅឱសថស្ថានស្របច្បាប់ – ពុំបានគោរពនិងអនុវត្តតាមខ្លឹមសារនៃកិច្ចសន្យារបស់គ្រឹះស្ថាន ចុះថ្ងៃទី២១ ខែសីហា ឆ្នាំ២០២៣ […]

ព័ត៌មានសន្តិសុខសង្គម

ក្មេងទំនើង១៦នាក់ បង្កអសន្តិសុខ នៅស្រុកស្ទឹងហាវ ត្រូវបានអាជ្ញាធរខេត្ត អញ្ជើញឪពុកម្ដាយមកធានា មុននឹងដោះលែង ខេត្តព្រះសីហនុ៖ ក្រុមក្មេងទំនើងចំនួន ៤ក្រុម ដែលបង្កអសន្តិសុខនៅក្នុងស្រុកស្ទឹងហាវ ខេត្តព្រះសីហនុ នៅថ្ងៃទី ២៣ ខែកញ្ញា ឆ្នាំ២០២៣, លោក ម៉ាង ស៊ីណេត អភិបាលរងខេត្តព្រះសីហនុ អញ្ញើញធ្វើការអប់រំយក្រុមក្មេងទំនើងស្រីប្រុសទាំង ១៦ នាក់ ដោយមានការចូលរួមពីលោកអភិបាលរងស្រុក លោកអនុប្រធានមន្ទីរអប់រំខេត្ត អាជ្ញាធរ និងអណាព្យាបាលនៅអធិការដ្ឋាននគរបាលស្រុកស្ទឹងហាវ។ ក្រុមក្មេងទំនើងមានគ្នាចំនួន ១៦នាក់ ស្រី ០១នាក់ ជិះម៉ូតូចំនួន ០៧គ្រឿង បានជិះចូលសាលាវិទ្យាល័យស្ទឹងហាវ ស្រុកស្ទឹងហាវ កាលពីថ្ងៃទី២១ ខែកញ្ញា ឆ្នាំ២០២៣ បានធ្វើសកម្មភាពវាយសិស្សសាលាដែលកំពុងអង្គុយលើម៉ូតូមិនដឹងខ្លួន បណ្តាលឲ្យសិស្ស ០២នាក់រងរបួស និង ០៣នាក់ទៀតរត់រួចខ្លួន ។ លោក ម៉ាង ស៊ីណេត អភិបាលរងខេត្តព្រះសីហនុបានធ្វើការណែនាំដល់ក្រុមក្មេងទំនើងមានដូចជាក្រុម GF, PL, BT, FMF បានប្រព្រឹត្តអំពើដែលសង្គមជាតិស្អប់ខ្ពើម ក្មួយៗបានធ្វើសកម្មភាពខុសឆ្គងបង្កភាពអាម៉ាស់ដល់សង្គមជាតិ ក៏ដូចជាឪពុក ម្តាយ […]

ព័ត៌មានសន្តិសុខសង្គម

កម្លាំងប៉ុស្តិ៍រំលេចសហការជាមួយនឹងប្រជាការពារឃាត់ខ្លួនជនសង្ស័យម្នាក់ពាក់ព័ន្ធនិងករណីប្រើប្រាស់និងជួញដូងដោយខុសច្បាប់នៅសារធាតុញៀន.

ខេត្តពោធិ៍សាត់ : នាថ្ងៃពុធ ទី២០ ខែកញ្ញាឆ្នាំ២០២៣ វេលាម៉ោង១៧:៣៣នាទី កម្លាំងប៉ុស្តិ៍រំលេច ចំនួន ០៤នាក់ ដឹកនាំដោយលោកវរៈសេនីយ៍ត្រី សំ សុផល នាយប៉ុស្តិ៍រំលេច សហការជាមួយកម្លាំងប្រជាការពារ បានចុះបង្ក្រាបករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុគ្រឿងញៀន នៅចំណុចលើខ្នងប្រឡាយកោះខ្ចាយ ស្ថិតនៅក្នុងភូមិកូនត្នោត ឃុំរំលេច។ លទ្ធផលបង្ក្រាបបាន÷ – មនុស្សចំនួន ០១នាក់ ឈ្មោះ សន រ ភេទប្រុសអាយុ ៣២ ឆ្នាំ មានទីលំនៅភូមិប្រឡាយរំដេង ឃុំរំលេច ស្រុកបាកាន ខេត្តពោធិ៍សាត់។ វត្ថុតាងរួមមានដូចជា÷ ១, ម្សៅក្រាមពណ៌សថ្លាសង្ស័យជាសារធាតុញៀនចំនួន៣កញ្ចប់ ទម្ងន់១១,៥២ក្រាម សាច់ថ្នាំសុទ្ធ។ ២, កូនថង់រំលែកថ្នាំមួយចំនួន ៣, អំពូលសម្រាប់ជក់ចំនួន ១ ៤, ទុយោរំលែកថ្នាំចំនួន ១ ៥, ដែកកេះចំនួន២ ៦, កូនកន្ត្រៃចំនួន ១ ៧, កូនកាំបិតចំនួន១ ៨, […]

ព័ត៌មានជាតិ

ឯកអគ្គរដ្ឋទូតអាម៉េរិកលើកឡើងថា នឹងពង្រីកកិច្ចសហប្រតិបត្តិការជាមួយកម្ពុជាលើផ្នែកវប្បធម៌ន្ថែមទៀត

សៀមរាប៖ ឯកអគ្គរដ្ឋទូតអាម៉េរិក ប្រចាំកម្ពុជា លោក W.Patrick Murphy បានសម្តែងនូវក្តីសាទរចំពោះប្រជាជនកម្ពុជា ក្នុងឱកាសដែលប្រាសាទកោះកេរ ត្រូវបានដាក់បញ្ចូលជាសម្បត្តិបេតិកភណ្ឌរបស់ពិភពលោក និងថា អាម៉េរិក នឹងពង្រីកកិច្ចសហប្រតិបត្តិការជាមួយកម្ពុជាលើផ្នែកវប្បធម៌បន្ថែមទៀត។ ឯកអគ្គរដ្ឋទូតអាម៉េរិក បានថ្លែងបែបនេះ នាព្រឹកថ្ងៃទី២១ ខែកញ្ញា ឆ្នាំ២០២៣ ក្នុងឱកាសដែលលោក បានដឹកនាំគណៈប្រតិភូស្ថានទូតអាម៉េរិកប្រចាំនៅកម្ពុជា ប្រមាណ៦០នាក់ មកបំពេញទស្សនកិច្ចខេត្តសៀមរាប ចាប់ពីថ្ងៃទី១៨ដល់ថ្ងៃទី២២ ខែកញ្ញា ឆ្នាំ២០២៣។ លោកលើកឡើងថា ការចុះបញ្ជីប្រាសាទកោះកេរ ជាសម្បត្តិបេតិកភណ្ឌពិភពលោកកាលពីថ្មីៗនេះ គឺជាតំបន់ បេតិកភណ្ឌពិភពលោកទី៤របស់កម្ពុជា ដែលការចុះបញ្ជីនេះមានសារៈសំខាន់ណាស់សម្រាប់កម្ពុជា និងសម្រាប់ពិភពលោក ព្រោះយើងមានតំបន់បេតិកភណ្ឌ ដែលជាសម្បត្តិបេតិកភណ្ឌពិភពលោកបន្ថែមទៀត។ លោកទូតបន្តថា កន្លងមកនៅក្នុងរមណីយដ្ឋានអង្គរ អាម៉េរិកបានផ្តល់ជំនួយជាបន្តបន្ទាប់ ដើម្បីជួយស្តារ និងការពារប្រាសាទដ៏ល្បីល្បាញ ។ ជាមួយគ្នានោះកាលពីខែមុន អាម៉េរិកបានប្រកាសជាសាធារណៈថានឹងផ្តល់ជំនួយថ្មីដែលចំនួន៤៥ម៉ឺនដុល្លារ ជូនដល់ក្រសួងវប្បធម៌ និងវិចិត្រសិល្បៈ សម្រាប់បន្តការងារអភិរក្សនៅប្រាសាទភ្នំបាខែង។ លោកបន្តថា ដូច្នេះយើងមានការរីករាយក្នុងភាពជាដៃគូ ហើយយើងក៏នឹងពិភាក្សាជាមួយអាជ្ញាធរនានាដើម្បីស្វែងរកតម្រូវការ ថាពួកយើងនឹងជួយអ្វីបានខ្លះ។ កាលពីថ្ងៃទី៣០ ខែសីហា ឆ្នាំ២០២៣ កម្ពុជា និងសហរដ្ឋអាម៉េរិក បានចុះហត្ថលេខាលើអនុស្សរណៈយោគយល់គ្នា លើកិច្ចព្រមព្រៀងផ្នែកវប្បធម៌ […]

ព័ត៌មានជាតិ

រដ្ឋបាលខេត្តព្រះសីហនុ បានរៀបចំប្រារព្ធពិធីអបអរសារទរ រមណីយដ្ឋានប្រាសាទកោះកេរ ត្រូវបានដាក់បញ្ចូលជាសម្បត្តិបេតិកភណ្ឌវប្បធម៌ពិភពលោក នៃអង្គការយូណេស្កូ

ខេត្តព្រះសីហនុ ៖ រដ្ឋបាលខេត្តព្រះសីហនុ រៀបចំប្រារព្ធពិធីអបអរសារទរ រមណីយដ្ឋានប្រាសាទកោះកេរ ត្រូវបានដាក់បញ្ចូលជាសម្បត្តិបេតិកភណ្ឌវប្បធម៌ពិភពលោក នៃអង្គការយូណេស្កូ ដែលបានប្រារព្ធធ្វើឡើងនៅវេទិកា៧មករា ក្រុងព្រះសីហនុ នាព្រឹកថ្ងៃទី២០ ខែកញ្ញា ឆ្នាំ២០២៣ ក្រោមការចូលរួមពីលោក គួច ចំរើន អភិបាលខេត្តព្រះសីហនុ។ នៅក្នុងឱកាសអបអរសារទរ រមណីយដ្ឋានប្រាសាទកោះកេរ ដែលត្រូវបានដាក់បញ្ចូលជាសម្បត្តិបេតិកភណ្ឌវប្បធម៌ពិភពលោក នៃអង្គការយូណេស្កូនេះដែរ ដោយមានការចូលរួមយ៉ាងច្រើនកុះករ ពីមន្ត្រីរាជការកងកម្លាំងប្រដាប់អាវុធ ប្រជាពលរដ្ឋ​ លោកគ្រូអ្នកគ្រូ សិស្សានុសិស្សយ៉ាងច្រើនកុះករ និងមានការវាយគង ទូងស្គរ នៅកន្លែងប្រារព្ធពិធី និងនៅតាមវត្តអារាម តាមមន្ទីរអង្គភាពនានា ព្រមទាំងតាមមូលដ្ឋាន ក្នុងខេត្តផងដែរ៕