ភ្នំពេញ៖ នៅបញ្ជាការដ្ឋានកងរាជអាវុធហត្ថលើផ្ទៃប្រទេស នៅព្រឹកថ្ងៃអង្គារ ៦រោច ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីកិច្ចប្រជុំបូកសរុប វាយតម្លៃ ដកបទពិសោធន៍លទ្ធផលការងារការពារសន្តិសុខកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ (ADMM-16) ដោយមានការអញ្ជើញចូលរួមពីសំណាក់ លោកឧត្តមសេនីយ៍មេបញ្ជាការរង លោកនាយសេនាធិការ សេនាធិការរង ស្នងការ ស្នងការរង នាយ នាយរងការិយាល័យ និងបណ្តាក្រសួង ស្ថាប័ន អង្គភាព ដែលមានការពាក់ព័ន្ធជាច្រើនទៀតផងដែរ៕